Kisi ne bohot khoob kaha hai: Neki kar aur dariya mein daal.

Karm karo… aur uske baad uska phal yaad mat rakho. Yeh baat sunne mein seedhi lagti hai, lekin iske peeche ek gehra rahasya chhupa hai. Krishna ne Geeta mein isi ko Nishkaam Karm Yog kaha hai — karm karo, par uske phal se asakta mat ho.

Lekin sawal yeh hai: karm karke bhool jaane ki zaroorat hi kyun hai? Kyu phal se asakti dukh laati hai?

kyuki har asakti dukh hai.

Agar tum kuch aisa karte ho jo tumhe lagta hai galat hai, aur use dil mein basaye rakhte ho — pachtaoge, dukh hoga.

Aur agar tumne kuch sahi kiya, aur uske badle mein kuch umeed rakhi, tab bhi dukh hoga. Kyunki jab umeed tootegi, ya saamne wala waisa nahi karega jaisa tum chahte the, tab tumhe chot lagegi.

Tum chahte ho, isliye dukh hai. Asakti hai, isliye dukh hai.

Jab tak koi chahna hai, koi umeed hai, dukh chhupkar tumhara intezaar kar raha hai.

Aur jab chahna hi gir jaata hai… jab tum bas karm karte ho aur chhod dete ho… usi ke paar hai anand.