Aksar aisa hota hai ki jo bhi hamare jeevan mai hota jata hai, ham use bina jaane,bina samjhe, bina kuch puche, laade chale jaate hai. asal mai ham insaan kam aur coolie zyada hai. batao bhala, ye bhi koi baat hai. paida hue aur logo na kaha tum musalman ho, tum hindu ho to tum wo ho chale. tumhe ye banna hai to tum wo ho chale. kabhi socha hai khud, ki kar kya rahe ho?

isliye, agar sukh ka jeevan jeena hai, to wo sab chodhna hoga, jo logo ne tumhare upar laad diya hai. feko, hatao ye kachra. utaro apne kandhe se ye bojh, aur thoda khul kar saans lo. jab fekne lagoge to malum padega ki asal mai kuch khaas zarurat thi nahi.

isi soch, isi minimalism ki philosophy se “chor bano, chori karo” ka idea panapta hai. aakhir mera isse matlab kya hai.

kehna bas itna hai ki kab bhi kuch explore karo, kitaab ya insaan ya kuch bhi, to hamesha ek chor ki tarah.

ek shaatir chor kaise chori karta hai? jab wo kisi Ghar mai jaata hai to seedha keemti samaan uthata hai, chupke se jeb mai rakhta hai, aur chal padta hai.kya kabhi koi chor ghar ka kachra chura ke bhagta hai?aur tum ho kisi ka sab kuch laade chale jaate ho.

NAHI. kisi bhi kitab mai ghuso to is niyat se, ki isme Aisa kya hai churane layak, jo mil jaye to maza aa jaye. bas uthao usko chupke se, aur chal bano zindagi mai aage. sab kuch yaad rakhne ki aur laade chale jaane ki zarurat nahi hai.